ဘဏ်ချေးငွေ (or) လုပ်ငန်းရင်းနှီးမြုပ်နှံမှုရှာရန် Business Plan ရေးသားနည်း

ဘဏ်ချေးငွေ (or) လုပ်ငန်းရင်းနှီးမြုပ်နှံမှုရှာရန် Business Plan ရေးသားနည်း
Share this Post:

မြန်မာနိုင်ငံမှာ စီးပွားရေးလုပ်ငန်းများကို ဦးစားပေးလာတာတွေ့ရသလို စီးပွားရေးလုပ်ငန်းများ၏ ရင်းနှီးမြုပ်နှံမှုအပိုင်းတွေမှာ ချေးငွေရရှိနိုင်ပြီး လုပ်ငန်းများ ပိုမိုတိုးတက်နိုင်စေဖို့အတွက် SMEs ဌာနနှင့် CB Bank တို့မှ ပူးပေါင်းဆောင်ရွက်နေတဲ့ JICA မှတဆင့် 2-step Loan ပုံစံနဲ့ (5 Billion $) ထုတ်ချေးပေးမှုတွေ၊ CGI စနစ်စတင်မှုတွေ၊ ဆက်လက်ပြီး နောက်ပိုင်းမှာ World Bank နဲ့အတူ UNDP စတဲ့အဖွဲ့အစည်းတွေမှ တဆင့်လည်း SMEs လုပ်ငန်းများကို ဆက်လက်ပံ့ပိုးပေးမယ်လို့သိရပါတယ်။ ဒီအခါမှာ စာရေးသူ တစ်ယောက်အနေနဲ့ လက်ရှိလုပ်ငန်းတွေရဲ့လိုအပ်ချက်ကို ဖြည့်ဆည်းပေးနိုင်ဖို့ လုပ်ငန်းတွေချေးငွေယူတာပဲဖြစ်စေ၊ နိုင်ငံခြားရင်းနှီးမြုပ်နှံမှု ရှာတာပဲဖြစ်စေ မဖြစ်မနေတင်ပြနိုင်ဖို့ လိုအပ်လာတဲ့ Business Plan စီးပွားရေးအစီအစဉ်ရေးသားဖော်ပြမှုကို လေ့လာမိသလောက် အကြံပေးတင်ပြထားပါတယ်။   

 

လတ်တလောမှာလည်း ရိုးမဘဏ်ရဲ့ ထူးခြားတဲ့အစီအစဉ်ဖြစ်တဲ့ 0% ဖြစ်တဲ့ (ဘဏ်၊ ရှေ့နေ၊ ရာဖြတ်၊ ၀န်ဆောင်ခ) ပေးရန်မလိုတဲ့ လုပ်ငန်းသုံးချေးငွေအစီအစဉ်ကလည်း စလာပြီဖြစ်သလို၊ ဒီရက်ထဲမှာလည်း ကိုယ်အကြံပေးဆောင်ရွက်နေတဲ့ ကုမ္ပဏီတွေကလည်း နိုင်ငံခြားနဲ့ချိတ်ဆက်ပြီး ရင်းနှီးမြုပ်နှံမှုရှာလျှက် လုပ်ငန်းတွေတိုးချဲ့နေတာ တွေ့ရတော့ (Business Plan) ရေးသားနည်းနဲ့ ချေးငွေအတွက်ပဲဖြစ်ဖြစ်၊ နိုင်ငံခြားနဲ့မိတ်ဖက်လျှက် ရင်းနှီးမြုပ်နှံမှုရှာဖွေတဲ့ နေရာမှပဲဖြစ်ဖြစ် အသုံးပြုနိုင်အောင် ကုမ္ပဏီအကြံပေးတစ်ယောက်အနေနဲ့ တာဝန်ရှိလာတယ်လို့မြင်မိတယ်။ ဒါကြောင့် ကျွန်တော်တို့ရဲ့ MESI ကျောင်းခွဲ (၅) ခုမှ မြို့နယ်တွေအတွက်၊ နယ်အသီးသီးမှ လုပ်ငန်းရှင်တန်းခွဲများမှ လုပ်ငန်းရှင် (၅၀၀) ကျော်နဲ့ အတူ ကျွန်တော်တို့ ၀န်ဆောင်မှုမပေးနိုင်သေးတဲ့ မြန်မာနိုင်ငံအနှံ့မှ စီးပွားရေးလုပ်ငန်းများအားလုံးအတွက် မေတ္တာဖြင့်ကူညီလျှက် အကြံပြုရေးသားပေးထားပါတယ်။

 

နိုင်ငံတကာနဲ့ချိတ်ဆက်ပြီး ရင်းနှီးမြုပ်နှံမှုရှာတာပဲဖြစ်ဖြစ်၊ ချေးငွေတင်ပြတဲ့အခါမှာဖြစ်ဖြစ် Business Plan အပြင်မှာ မိမိလုပ်ငန်းရဲ့ Profile ကိုရေးသားဖော်ပြပြီး ရှင်းလင်းတင်ပြနိုင်ဖို့လည်းလိုအပ်မှာဖြစ်ပါတယ်။ လုပ်ငန်းအားလုံးကို ဖော်ပြပါဝင်စေတဲ့ Profile မှာ ပါသင့်တဲ့ အချက်တွေကတော့ (၁) ကုမ္ပဏီ၏ နောက်ခံသမိုင်းကြောင်းအကျဉ်း။ (၂) ကုမ္ပဏီ၏ Profile Overview အနှစ်ချုပ်။ (၃) ကုမ္ပဏီ၏ ရည်ရွယ်ချက်နှင့် တန်ဖိုးထားမှုများ။ (၄) ကုမ္ပဏီ၏ ဖွဲ့စည်းတည်ဆောက်ပုံစံများ။ (၅) ကုမ္ပဏီ၏ လုပ်ငန်းဆောင်ရွက်ချက်များ။ စတဲ့ လုပ်ငန်းဖော်ပြချက်တွေနဲ့အတူ ဒါရိုက်တာအဖွဲ့ဝင်များ၊ စုစုပေါင်းဝန်ထမ်းဦးရေ၊ မိတ်ဖက်ကုမ္ပဏီလုပ်ငန်းများ၊ စီးပွားရေးဖော်ဆောင်မှုနေရာများကို စားသား (သို့မဟုတ်) ပုံတွေနဲ့ အသေးစိတ်ရေးဆွဲဖော်ပြရမှာဖြစ်ပါတယ်။ ကျွန်တော် အရင်တစ်ခေါက် အသေးစိတ် ရေးသားပြီးဖြစ်ပါတယ်။ Entrepreneur SMEs ၏ Page မှာ အသေးစိတ်လေ့လာနိုင်မှာဖြစ်ပါတယ်။

 

Business Plan မှာတော့ (၂-မျိုး) ရှိနိုင်မှာဖြစ်ပါတယ်။ စွန့်ဦးတီထွင်လုပ်ငန်းတွေအတွက်တော့ ပုံစံတမျိုးနဲ့ရေးသင့်ပြီး၊ ယခုချေးငွေယူတဲ့အပိုင်း၊ ရင်းနှီးမြုပ်နှံမှုရှာဖွေတဲ့အပိုင်းမှာတော့ ပုံစံတမျိုးနဲ့ရေးသားဖော်ပြနိုင်ဖို့ အကြံပြုချင်ပါတယ်။ အရင်လမှာ Teen Radio မှာ အင်တာဗျူးတော့ လုပ်ငန်းအသစ်စသူတွေအတွက် (6-M) ဖြစ်တဲ့ (Man လူ နဲ့ ပတ်သက်တဲ့အပိုင်း)၊ (Money ငွေ နဲ့ ပတ်သက်တဲ့အပိုင်း)၊ (Material ပစ္စည်းနဲ့ ပတ်သက်တဲ့အပိုင်း)၊ (Method – Strategy မဟာဗျူဟာနဲ့ ပတ်သက်တဲ့အပိုင်း)၊ (Minus – Time အချိန်နဲ့ ပတ်သတ်တဲ့အပိုင်း)၊ (Market ဈေးကွက်နဲ့ ပတ်သတ်တဲ့အပိုင်း) တွေကိုအခြေခံစဉ်းစားပြီး ရေးဆွဲနိုင်ဖို့ အကြံပြုပေးထားပြီးဖြစ်လို့၊ ယခုကတော့ ချေးငွေအတွက် နဲ့ ရင်းနှီးမြုပ်နှံမှုအတွက် Business Plan ရေးသားနည်းကို အဓိကထားပြီး ရေးသားအကြံပြုပေးပါရစေ။

 

Business Plan ရေးသားနည်းများစွာရှိနိုင်မှာဖြစ်ပါတယ်။ ယခုပုံစံတမျိုးတည်းကိုပဲ အသုံးပြုနိုင်မှာမဟုတ်ပဲ လုပ်ငန်းအလိုက်၊ လုပ်ငန်းအကြီးအသေးအလိုက်၊ လိုအပ်ချက်အလိုက် ပြင်ဆင်ရေးသားဖို့လည်း အကြံပြုချင်ပါတယ်။ Business Plan ရေးသားနည်းဟာ သင်တန်းမှာဆွေးနွေးရတဲ့အခါ (၃-နာရီ) လောက်ကြာတဲ့ ခေါင်းစဉ်တခုဖြစ်ပါတယ်။ အချက်ပေါင်းများစွာ ပါဝင်သလို စာနဲ့ရှင်းလင်းရေးသားဖော်ပြရတဲ့အခါမှာ စာဖတ်သူများသို့ နားလည်လွယ်စေဖို့ အနှစ်ချုပ်ရေးသားထားပါတယ်။

ရင်းနှီးမြုပ်နှံမှုနဲ့ဆိုင်တဲ့ Business Plan ရေးသားတဲ့အခါမှာ အဓိကပါဝင်ရမဲ့ အချက်တွေကိုတင်ပြရရင်…

(1) Executive Summary မှာတော့ လုပ်ငန်းရဲ့ Vision & Mission ရည်ရွယ်ချက်၊ Service Scope စီးပွားရေးဝန်ဆောင်မှုတွေ၊ Business Plan မှာ ပါဝင်တဲ့ အချက်တွေကို နိဂုံးချုပ်ပြီး ရေးသားဖောပြပေးဖို့လိုအပ်ပါတယ်။ (၁မျက်နှာလောက်ဆိုရပါတယ်)

(2) Company Product & Service အပိုင်းမှာတော့ လက်ရှိလုပ်ငန်းတွေ၊ ၀န်ဆောင်မှုပေးနေတဲ့အပိုင်းတွေ၊ မိမိရဲ့ Supplier တွေ ပါဝင်သင့်ပြီး ထပ်မံတိုးချဲ့လိုတဲ့ အပိုင်းကို ဖော်ပြနိုင်ဖို့လိုအပ်မှာဖြစ်ပါတယ်။

(3) Marketing Strategy အပိုင်းမှာ Target ဦးတည်ဈေးကွက်၊ Trends အလားအလာ၊ Sale Techniques အရောင်းမဟာဗျူဟာ၊ Pricing ဈေးနှုန်းသတ်မှတ်ချက်တွေ၊ Distribution ဖြန့်ဖြူးမှုပုံစံတွေနဲ့အတူ Competitive ခေတ်ပြိုင်ကို သုံးသပ်ပြီး ဈေးကွက်မဟာဗျူဟာများကို တင်ပြပေးရမှာဖြစ်ပါတယ်။

 

(4) Financial Statement ငွေကြေးအပိုင်းမှာတော့ Cash Flow ငွေကြေးလည်ပတ်မှုတွေ၊ Balance Sheet ငွေကြေးရှင်းတမ်းတွေ၊ Operation Cost လုပ်ငန်းလည်ပတ်မှု စရိတ်တွေကို စာရင်းဇယားနဲ့ အသေးစိတ်တင်ပြရမှာဖြစ်ပါတယ်။

(5) Loan or Investment Proposal ကတော့ အရေးကြီးတဲ့ အပိုင်းဖြစ်ပြီး Purpose ချေးငွေ၊ ရင်းနှီးမြုပ်နှံမှု ရည်ရွယ်ချက်၊ Payment Schedule ချေးငွေ၊ ရင်းနှီးမြုပ်နှံမှု ပြန်လည်ပေးဆပ်မည့်ပုံစံတွေ၊ Implementing Plan လုပ်ငန်းလက်တွေ့အသုံးပြုမဲ့ ပုံစံတွေကို ရေးဆွဲတင်ပြရမှာဖြစ်ပါတယ်။

(6) Detail of Proposal မှာ လုပ်ငန်းရဲ့အမည်၊ ပိုင်ဆိုင်မှုပုံစံ၊ ကုမ္ပဏီရဲ့ ၀န်ထမ်းအင်အား၊ ပိုင်ဆိုင်မှုဖော်ပြချက်တွေ၊ လိုအပ်တဲ့ ငွေကြေးပမာဏ၊ လုပ်ငန်းထုတ်လုပ်နိုင်မှုပမာဏ (Year 1, 2, 3) ဖြစ်စေ၊ Sale လစဉ် - နှစ်စဉ် အမြတ်တွေ ကို အသေးစိတ်ရေးဆွဲတင်ပြဖို့ လိုအပ်မှာဖြစ်ပါတယ်။ (ဇယားဖြင့် ဖော်ပြလျှင် 3 Page  စာ ၃မျက်နှာခန့်ရှိနိုင်ပါတယ်)

(7) Profitability Projections မှာတော့ ဖြစ်နိုင်ရင် (၅-နှစ်စာ) အတွက် Cost အသုံးစရိတ်၊ Interest အတိုးနှုန်း၊ Utilities အသုံးအဆောင်ပစ္စည်းတွေ၊ Rent ဌားရမ်းခ၊  Income ၀င်ငွေ၊ Net Profit အမြတ်ငွေ စတဲ့ အချက်တွေပါဝင်တဲ့ ဇယားကို ရေးဆွဲဖော်ပြပြီး အသေးစိတ်ရေးဆွဲဖော်ပြရမှာဖြစ်ပါတယ်။  

 

ရင်းနှီးမြုပ်နှံမှုအတွက် Business Plan ရေးသားနည်းမှာ အချက်ပေါင်း (၂၀) ခန့် ရေးဆွဲတင်ပြနိုင်ပြီး စာမျက်နှာအားဖြင့် (၁၅ - ၂၀ ရွက်ခန့်) ရှိနိုင်မှာဖြစ်ပါတယ်။ ကျွန်တော်များစွာ အနှစ်ချုပ်ထားပြီး၊ အဓိကအချက်တွေကို ဦးစားပေးဖော်ပြပေးထားပါတယ်။ မြန်မာနိုင်ငံမှာရှိကြတဲ့ SMEs လုပ်ငန်းများကို အားပေးချင်တာတော့ Business Profile လုပ်ငန်းဖော်ပြချက်စာအုပ်နှင့်အတူ Business Plan ကို ကြိုတင်ရေးဆွဲထားသင့်ပြီး၊ ဘဏ်မှချေးငွေယူတာမျိုးဖြစ်ဖြစ်၊ နိုင်ငံခြားရင်းနှီးမြုပ်နှံမှုနှင့် JV လုပ်တာမျိုးဖြစ်ဖြစ်၊ Share အစုစပ်လုပ်ငန်းထူထောင်တာမျိုးဖြစ်ဖြစ် အခွင့်အရေးပေးလာတဲ့အခါမှာ ကိုယ်ဘက်မှာအဆင်သင့် ဖြစ်ထားလျှက် လုပ်ငန်းအတွက်များစွာအထောက်အကူ ပြုပေးနိုင်မှာဖြစ်ပါတယ်။

 

မြန်မာနိုင်ငံတိုးတက်လာပါပြီ၊ အနာဂတ်မှာ ထူးချွန်တဲ့ထက်မြတ်ကြတဲ့ ကျွန်တော်တို့မြန်မာ့စီးပွားရေးလုပ်ငန်းရှင်တိုင်းဟာ အောင်မြင်ဖို့အခွင့်အရေးတွေဖြစ်လာတော့မှာပါ။ ကျွန်တော်တို့ Entrepreneur SMEs အနေဖြင့် များစွာကူညီပေးနေပါတယ်။ သင်တန်းပြီးထားတဲ့ လုပ်ငန်းရှင်တွေအနေဖြင့် ချေးငွေအတွက် လိုအပ်လျှင် ရိုးမဘဏ်မှ ဘဏ်ဝန်ထမ်းတချို့လည်း MESI မှာ သင်တန်းတက်နေတာမို့ အသေးစိတ်ကျောင်းမှာ လာစုံစမ်းနိုင်ပြီး၊ ဘဏ်ချေးငွေအတွက် နိုင်ငံခြားရင်းနှီးမြုပ်နှံမှုရှာဖို့အတွက် လိုအပ်ရင် Business Plan ပုံစံရေးသားတင်ပြမှုပုံစံတွေကို ကျောင်းရဲ့ Student Service မှာ လာရောက်တိုင်ပင်နိုင်ပါတယ်။

ရန်ကုန်ကိုမလာနိုင်တဲ့ နယ်မြို့အသီးသီးမှ လုပ်ငန်းရှင်များအတွက်လည်း နီးစပ်ရာမြို့တွေမှာဝန်ဆောင်မှုအလွယ်တကူရရှိစေဖို့…

မြန်မာနိုင်ငံအထက်ပိုင်းဆိုရင် MESI မန္တလေး နဲ့ MESI တောင်ကြီး ကျောင်းတွေမှာ ဆက်သွယ်နိုင်ပါတယ်။

MESI (မန္တလေး) Mandalay (09 5035 990, 09 7855 90910)

MESI (တောင်ကြီး) Taunggyi (09 9732 99299, 09 79177 0910)

မြန်မာနိုင်ငံအလယ်ပိုင်းဆိုရင် MESI မကွေး နဲ့ MESI ပျဉ်းမနား ကျောင်းတွေမှာ ဆက်သွယ်နိုင်ပါတယ်။

MESI (မကွေး) Magway (09 4315 0353, 09 4015 55340)

MESI (ပျဉ်းမနား) Pyi Ma Nar (09 797 666 522, 09 797 9999 89)

မြန်မာနိုင်ငံအောက်ပိုင်းဆိုရင် MESI ရန်ကုန် နဲ့ MESI မြိတ် ကျောင်းတွေမှာ ဆက်သွယ်နိုင်ပါတယ်။

MESI (ရန်ကုန်) Yangon (09 788 888 434, 09 7888 99774)

MESI (မြိတ်) Myeik (09 450 990 140, 09 258 111 410)

မြန်မာ့ခေတ်ပြိုင်စီးပွားရေးအတွက် အသိပညာဦးဆောင်မှုဖြင့် ရေရှည်ဖွံ့ဖြိုးတိုးတက်သော လူမှုအဖွဲ့အစည်းသို့ တည်ဆောက်နိုင်ပါစေ။

နိုင်ငံ၏ အကျိုးစီးပွား၊ လူမှုဘ၀တွေရဲ့ အလုပ်အကိုင် အခွင့်အလမ်းတွေကို ဖန်တီးပေးနေကြတဲ့ မြန်မာနိုင်ငံအနှံ့မှ မိတ်ဆွေလုပ်ငန်းရှင်းများအားလုံး အောင်မြင်တိုးတက်နိုင်ပါစေ။

ဦးဇင်ဖြိုးပိုင် (MESI, EntrepreneurSME.com) မှ အကြံပေးရေးသားဖော်ပြသည်။

လုပ်ငန်းရှင်များအတွက်သီးသန့် ကျွန်တော်ရေးသားပြီး ဆောင်းပါးများ။ (အွန်လိုင်းမှာ အခမဲ့ ဖော်ပြပေးထားပါတယ်)

(၁) နိုင်ငံခြားကုမ္ပဏီမှာ အသုံးပြုနေတဲ့ ကုမ္ပဏီ Profile ရေးသားနည်းများ

(၂) နည်းစနစ်တကျလုပ်ငန်းခွင်စီမံနည်း SOP လမ်းညွှန်ချက်များ

(၃) ကုမ္ပဏီလုပ်ငန်းသုံး စာရွက်စာတမ်းဖောင်ပုံစံ အချက် (၂၀)

(၄) FDI နိုင်ငံခြားရင်းနှီးမြုပ်နှံမှုနှင့် AEC အာစီယံစီးပွားရေး (သုတအလင်း မဂ္ဂဇင်းမှာဖော်ပြပြီး)

(၅) မိရိုးဖလာစီးပွားရေးလုပ်ငန်းများမှ ကုမ္ပဏီပုံစံစီမံအုပ်ချုပ်နည်းများ ဆောင်းပါးများနှင့်

-------------------------------------------------------------------------------------------------------------

မြန်မာ့ခေတ်ပြိုင်စီးပွားရေးအတွက် အသိပညာဦးဆောင်မူဖြင့် ရေရှည်တိုးတက်မူဆီသို့

မြန်မာ့စွန့်ဦးထီထွင်မူနှင့် စီးပွားရေစီမံခန့်ခွဲမူ အခမဲ့ ၀က်ဆိုဒ်

www.entrepreneursme.com (www.esmemm.com)

မြန်မာ့စွန့်ဦးတီထွင်မူနှင့် စီးပွားရေးစီမံခန့်ခွဲမူ သင်တန်းကျောင်း

Myanmar Entrepreneur SME Institute (MESI)

မြန်မာနိုင်ငံအနှံ့တွင် သင်တန်းကျောင်း (၅)ခု ၊ မြို့ပေါင်း(၁၈) နှင့်၊ လုပ်ငန်းပေါင်(၅၀၀)ကျော် စီမံခန့်ခွဲမူ ရုံးဝန်ထမ်း (၄၀၀၀)ကျော် အား ၀န်ဆောင်မူပေးထားပြီးဖြစ်သောကြောင့် လူကြီးမင်းတို့ လိုအပ်တဲ့ စီးပွာရေဆိုင်ရာ (သင်တန်း+အကြံပေး+၀န်ဆောင်မူ) များအား www.esmemm.com (MESI)တွင် ၀န်ဆောင်မူရရှိနိုင်ပါပြီ။



ESME Logo